thie / home

Gaelg / Manx	Gàidhlig / Scottish	Gaeilge / Irish
arrane sooree she shoh (billey set) carval chreneash coayl jeh ny baatyn skeddan creggyn hymn of hate (billey set) mannin veg veen ree ny marrey	kitten cake buain na rainich do chrochadh a thoil thu fear a bhios fada gun phosadh fear a' bhàta fosgail an doras o teannaibh dlùth is togaibh fonn sealaibh curaigh eoghainn	ar bhruach na carraige báine caileach an airgid

- fear a' bhàta -

fhir a'bhàta, na hò ro èile
fhir a'bhàta, na hò ro èile
fhir a'bhàta, na hò ro èile
mo shoraidh slàn leat 'sgach ait an tèid thu!

's tric mi sealltuinn o'n chnoc a's àirde
dh'gheuch am faic mi fear a' bhàta
an tig thu'n diugh no'n tig thu màireach
's mur tig thu idir, gur truagh a tà mi.

fhir a'bhàta, na hò ro èile
fhir a'bhàta, na hò ro èile
fhir a'bhàta, na hò ro èile
mo shoraidh slàn leat 'sgach ait an tèid thu!

mullagh / top

- o teannaibh dlùth is togaibh fonn -

o, teannaibh dlùth is togaibh fonn,
mo chridhe trom air m'aineol;
's mi fad' o eilean nan dàmh donn,
's bho thìr nan gleann 's nan gallan.

o beir an t-soraidh seo nis bhuam
thar chuain is chruaich is bheannaibh,
a dh'ionnsaigh muile nam beann fuar',
o eilean uaine bharraich.

ochon a rìgh, nach mi bha thall
an tìr nan gleann 's nam bealach;
tìr nan craobh, 's i tìr mo ghaoil,
nan lagan fraoich 's an raithneach.

o siud na glinne 's am faighte 'n aoidh,
's gach roinn chum taobh na mara;
tha luchd mo ghaoil an diugh fo sgaoil,
's an t-àit' fo chaoraich shasuinn.

's th'an diugh gun tigh, gun sgrath, gun chruib,
gun chloich os cionn na stairsnich,
tha leac-an-teinntein air fàs fuar
le coinneach ruadh tighinn fairis.

gur truagh a' ghàidhlig bhi 'n a càs
o'n dh'fhalbh na gàidheil a bh'againn;
a ghineil òig tha tighinn 'n an àit'
o togaibh àrd a bratach.

mullagh / top

- mannin veg veen -

oh vannin veg veen t'ayns mean y cheayn
ayn-jee ta lane eeasteyryn
tra ta'n oarn cuirit as ny praaseyn soit
goll roue dy charragh nyn baateyn.

son feaill eoin beemayds goll roin
dy yeeaghyn son warpyn skeddan
heear 'sy chione rouyr lesh jurnaa liauyr
goaill neose nyn shiaull fo'n charran.

goll veih thie dy hie as jeeaghyn son jough vie,
cha row y lhie ry-gheddyn;
eisht hrog shin shiaull erskyn nyn gione
as hie shin son y gheaylin.

er yn vaie vooar va sterrym dy liooar,
lesh earish fliugh as fliaghey;
skeddan dy glen yioghshin ayns shen
y ghobbag as y vuc-varrey.

toshiaght yn 'ouyir bee yn oie g'aase liauyr
faagmayd nyn mannaght ec y chiggin;
higmayd eisht roin dys doolish ny lhong
as bee giense ain ayns thie whiggin.

ayns thie whiggin vooar ta jough dy-liooar
lesh palchey lhune as liggar
as lhiabbeevie dy goll dy lhie,
tra veesmayd leshnyn shibbyr.

bee paart cheet thie fegooish naight mie
ta'n snaie ain eeit ec y ghobbag
agh ny mraane host hene goaill chymmey jin
gra ta caart ain foast'sy vullag.

mullagh / top

- carval chreneash (annie kissack) -

ayns ard cheer, chiune ny hoie
fo rollageyn feayr.
honnick mee yn eddin jee
soilshaghey yn ooir;
thie as thammag, cleigh as blaa
magh ass scaddoo er hyndaa
nish t'ad coamrit gollrish laa
oltaghey yn chiarn.

oie myr shen er cronk myr shoh
foddey ersooyl
er ny brooghyn bethlehem
va ny bochillyn shooyl
as nagh row eh yindyssagh
tra haink ainleyn flaunyssagh
neose, dy insh dooin chaghteraght-
jee er jeet da'n theihll.

lesh dagh kesmad ta shin goaill,
lhig dooin geiyrt er jee
t'eh myr soilshey firrinagh
cummal ayns nyn gree.
as lane sooillagh da e chroo
vermayd ooashley da ny smoo
gollrish ainleyn er dy rieau
soilshaghey yn oie.

mullagh / top

- yn coayl jeh ny baatyn skeddan -

cooinnee-jee shenn as aeg,
'sy vlein shiaght cheead jeig
kiare-feed as shiaght er y cheayn ghoolish,
myr haink eh gy-kione,
va eeaystagh vie ayn,
lesh earish feer aalin as villish.

fastyr aalin feer ve
tra hiaull adsyn jeh
voish doolish marish baateyn elley;
as rosh ad yn voayl,
va'n skeddan dy ghoaill,
dyn smooinaght er assee ny skielley.

agh gerrid va'n traa,
ren yn earish caghlaa,
yn gheay niar dy niartal ren sheidey,
dy leah datt yn cheayn,
lesh sterrym as sheean,
haink dorrin lesh dewillys as fliaghey.

ve cha dorraghey dhoo,
nagh bleayr daue yn chlieau
ny tonnyn va freayney stiagh harroo;
nagh atchimagh ve,
lesh dorrin as kay,
dy roie roish y gheay dys thalloo.

mysh oor roish y laa,
ve smooinit va'n traa
hie qualtrough dy roie son y thalloo;
v'eh hene as juan voore
caill't 'syn un oor
as ooilley ny skimmee va maroo.

myrgeddin kinlaie,
ec faagail yn vaie,
cha bleayr da yn raad dy roie jeeragh;
traa 's dorraghey ve,
v'eh bwoailt noi'n key,
as va'n vaatey sinkit chelleeragh.

son nyn ghaarjyn deyr
va oyr oc shilley yeir,
chammah mraane,as mraane hreoghe, as cloan veggey;
lesh osnaghyn hreih,
v'ad currit lhieu thie
as oanluckit marish nyn cleinney.

mullagh / top

- she shoh dooyrt my vummig (bernard y cain) -

she shoh dooyrt my vummig rish my yishag ayns my aegid,
she va shoh dooyrt my vummig rish my yishag 'sy traa shen.
she shoh dooyrt my vummig rish my yishag ayns my aegid,
she va shoh dooyrt my vummig rish my yishag 'sy traa shen.

lhig dooin ooilley daunleyn noght, lhig dooin ceau kiarail ersooyl,
lhig dooin ooilley daunleyn noght, dy vodmayd boggoil ve,
she va shen dooyrt my vummig rish my yishag ayns my aegid,
she va shen dooyrt my vummig rish my yishag 'sy traa shen.

mullagh / top

- arrane sooree -

lesh sooree ayns y gheurey
an vennick veign my lhie,
agh shooyll ayns y dorraghys
s'goan fakin yn raad thie.
veign goll gys ny uinnaghyn as crankal shirrey entreil,
y fliaghey yeealley orrym as my lieckanyn g'aase gial.

o shimmey oie liauyr geuree
ta mee rieau er cheau
my hassoo ec ny uinnaghyn
derrey veign er creau.
my chassyn neesht veagh fliugh
as draggit, lane dy laagh;
agh leah yinnin jarrood eh
dy vaikins ben aeg bwaagh.

yn ushtey roie jeh my 'olt,
as my 'eeacklyn snaggaree,
yn crackan jeh my yuntyn
bwoall' er y ghless cheu-mooie,
gra my ghraih as my gherjagh.
nish lhiggys oo mee stiagh,
dy noins agh un oor
jeh dty heshaght villish noght?

fow royd voish yn uinnag,
fow royd, ta mee dy ghra
cha jeanyms lhiggey stiagh oo,
ta fys ayms er ny share.
my dy my obbal t'ou
as dy vel oo cur mee jeh,
son rieau va mee smooinaghtyn
dy re uss veagh my reih.

oh, dy bragh, ny dy bragh, ghuilley,
cha beeym ayd son ben,
cha nel mee goll dy phoosey
my haitnys hene vees aym.
agh hug ee eisht yn 'illeag urree
as haink ee neose my whaiyl;
lesh paagaghyn cho graihagh
myr shoh ren shin meeiteil.

mullagh / top

- creggyn -

va'n seihll aym braew as grianagh,
my chree jeh seaghyn seyr,
agh nish she scadoo groamagh
ta coodagh yn speyr.
myr baatey er ny creggyn
gyn tead ta mish rouail,
ren uss yn tead y yiarrey, tra ren oo mish 'aagail.

tra ta my hooillyn doont aym,
fegooish ayd ec my heu,
hee'm uss as eshyn gearey
myr ren shin keayrt dy row.
dagh fockle corree dooyrt oo
myr tonn ren bwoalley mee,
as smoashal noi ny creggyn
myr baatey beg my chree.

ta'n kione aym fo yn ushtey,
goll sheese sy diunid foym,
ta'n dooid dooney orrym
cur lesh e chiunys trome.
dagh smooinaght rieau va ayms nish
magh ass my aigney seiyt,
son ta mee fo ny tonnyn
as ayns my hrimshey baiht.


mullagh / top